«Տեսել ենք վարչական ռեսուրսի կիրառում». Ռոբերտ Քոչարյան

«Ընտրությունների արդյունքներն անսպասելի էին մեզ համար ու նաև շատ շատերի, առաջին հերթին այն պառճառով, որ բոլոր հարցումները ցույց էին տալիս այլ պատկեր: Պետք է փորձենք գտնել բացատրություն: Ենթադրում ենք, որ եղել են զանգվածային խախտումներ, տեսել ենք վարչական ռեսուրսի կիրառում, դրա համար մենք դիմելու ենք Սահմանադրական դատարան՝ արդյունքները քննարկելու համար»,- ասուլիսի ժամանակ հայտարարեց «Հայաստան» դաշինքի առաջնորդ Ռոբերտ Քոչարյանը՝ հավելելով, որ ներկայում շտաբերը նյութեր են հավաքագրում, որոնք մի քանի օր անց կամփոփվեն: «Համոզված եմ, որ այն մանդատը, որ ստացել է այս իշխանությունը, այս իշխանության նկատմամբ վստահության մանդատ չէ: Մեր բոլոր հանդիպումները եղել են և՛ ավելի մարդաշատ, քան իշխանությանը, և՛ շատ ավելի հզոր: Իմ անձնական կարծիքով՝ տպավորություն է, որ այստեղ աշխատեց մի գործոն՝ նախկին իշխանությունների վերադարձի գործոնը ու այն էապես ուժեղացրեց այն հանգամանքը, որ երեք նախկին նախագահ մասնակցում էին ընտրություններին: Երկուսը՝ ընտրացուցակներ գլխավորելով, երրորդը՝ ակտիվ մասնակցելով քարոզարշավին: Չկարողացանք կոտրել այդ հանգամանքը, քանի որ քարոզարշավը շատ կարճ էր»,- ասաց ՀՀ երկրորդ նախագահը: