Շաբաթ, 19 սեպտեմբերի, 2026 թ.
|
Ստեփանակերտում`   +22 °C

«Մինչ այդ անհայտ ծեսի դրսևորում՝ հողի մեջ խրված տասնյակ դանակներ». Համլետ Պետրոսյան

«Մինչ այդ անհայտ ծեսի դրսևորում՝ հողի մեջ խրված տասնյակ դանակներ». Համլետ Պետրոսյան
524
Չորեքշաբթի, 23 հունիսի, 2021 թ., 00:35

Պատմաբան, Տիգրանակերտի արշավախմբի ղեկավար Համլետ Պետրոսյանը ֆեյսբուքյան իր էջում գրել է. «Մրգաձորի խաչ: Խոտ: Սյունիք:
Հին վանքի ավերակներ, վաղքրիստոնեական բեկորներ և 1700 թ. կառուցված միանավ սրահ: Դիրքն ուշագրավ՝ քարափի տակ, քարանձավային միջավայրում: Եվ տարօրինակ, գոնե ինձ մինչ այդ անհայտ ծեսի դրսևորում՝ հողի մեջ խրված տասնյակ դանակներ (հիմնականում եկեղեցու արևելյան խորանին դրսից կից քարանձավային հատվածում), որոնցով երևի մատաղն են մորթել: Եկեղեցու կառուցման արձանագրությունը, որ հրապարակել եմ հինգ տարի առաջ. «Ես պարոն Պ[ա]հաթուր պակս՝ որդ/[ի] պարոն մելիք Հախնազարին, որ եմք/ երկրէն Քաշթաղուց, ի գեղջէն Խանածա/խա. ես եւ մայր իմ Մահփարին շինել տվինք/ ս[ուր]բ եկեղեցիս ի փրկութի[ւն] հոգոյ: Թվ. :ՌՃԽԹ: (1700)»: Ու նման քանիի-քանի հուշարձաններ, որոնց մասին համարյա ոչինչ չգիտենք: Դրանք նույնիսկ նկարագրված չեն հավուր պատշաճի: Բայց այսօր դրանք մանրակրկիտ հետազոտության կարիքն ունենք: Ո՞վ պիտի անի՝ չգիտեմ»:

Կարդացե՛ք նաև