Բունդեսթագի պատգամավորը կոչ է արել դադարեցնել ԵՄ-ին Թուրքիայի անդամակցության շուրջ բանակցությունները

Ազատ դեմոկրատական կուսակցության խորհրդարանական խմբակցության փոխնախագահ Ալեքսանդր Լամբսդորֆը Եվրոմիության առաջնորդների առաջիկա գագաթնաժողովի նախաշեմին կոչ է արել դադարեցնել՝ ԵՄ-ին Թուրքիայի անդամակցության շուրջ բանակցությունները: Այս մասին նա հայտարարել է DPA գործակալությունը։
«Միևնույն ժամանակ, պետությունների և կառավարությունների ղեկավարները պետք է օգտագործեն գագաթնաժողովը, որպեսզի դադարեցնեն անդամակցելու վերաբերյալ անարդյունք բանակցությունները և փոխարենը նոր հիմք ստեղծեն նրա հետ հարաբերությունների համար»,-նշել է Լամբսդորֆը:
«Այն փաստը, որ Թուրքիան նոր է դիմել անվտանգության քաղաքականության ոլորտում՝ եվրոպական համագործակցության շրջանակներում նախագծին մասնակցելու համար, ցույց է տալիս ապագա փոխգործակցության հնարավորությունն՝ անկախ ԵՄ-ին անդամակցելու վաղուց հնացած գործընթացից»,- նշել է քաղաքական գործիչը:
Դրա հետ մեկտեղ Լամբսդորֆը կարծում է, որ անհրաժեշտ է հստակ ռազմավարություն մշակել Ռուսաստանի և Թուրքիայի հետ կապված: «Համագործակցությունն այնտեղ է, որտեղ հնարավոր է, բայց հակասությունն այնտեղ է, որտեղ Անկարան կամ Մոսկվան խախտում են մարդու և քաղաքացիական իրավունքները կամ եվրոպական աշխարհակարգը»,- պնդել է Լամբսդորֆը: