Չերչիլի նկարն աճուրդում վաճառվել է 1,8 միլիոն դոլարով

Մեծ Բրիտանիայի նախկին վարչապետ Ուինսթոն Չերչիլի հեղինակած նկարը մոտ 1,8 միլիոն դոլարով վաճառվել է Նյու Յորքում կայացած աճուրդում: Այս մասին հաղորդվում է Phillips աճուրդի տան կայքում:

Աճուրդի տան մասնագետների խոսքով՝ կտավը ստեղծվել է 1921 թվականի ամռանը։ 76x63,3 սմ չափի կտավի վրա պատկերված է անտառ և գետակ՝ անգլիական փոքր քաղաքի մերձակայքում:

Լոտի գնահատված արժեքը կազմել է 1,5-2 միլիոն դոլար: Կտավը նախկինում եղել է հույն գործարար Արիստոտել Օնասիսի (1906-1975) հավաքածուի մի մասը:
Չերչիլը գեղանկարչությամբ հետաքրքրվել է հասուն տարիքում և իր կյանքի ընթացքում հասցրել է ստեղծել մոտ 540 կտավ։ Աշխատանքների մեծ մասը մասնավոր հավաքածուներում է կամ պատկանում է նրա սերունդներին։