«Դեռ մի բան էլ ավելի վատ վիճակ Տավուշում է լինելու». Դավիթ Եղիշյան

Պատերազմի մասնակից Դավիթ Եղիշյանը ֆեյսբուքյան իր էջում գրել է. «Նոր մտածում էի՝ այ, օրինակ, ինչո՞ւ Տավուշի սահմանին թուրքերը չեն հելնում, գալիս հայ դիրքապահին հարվածում, զենք խլում, ծաղրում, գերի տանում. որովհետև այնտեղ կան նորմալ կահավորված դիրքեր, նորմալ կանոնավոր զորք, նորմալ իրականացվող մարտական հերթապահություն, միջդիրքային տարածությունը ականապատված է ու ունեն նորմալ Կորպուսի հրամանատար:
Այս մտքերիս վրա թերթելով ֆեյսբուքյան լրահոսը, տեսա, որ այդ կորպուսի հրամանատարի պայմանագիրը չեն ուզում երկարաձգել ու նրան ուզում են հեռացնել: Եթե նրան հեռացնեն, այնուհետև իբր արդբեջանական մի քանի գյուղերը հանձնեն Ադրբեջանին, ապա նույն, դեռ մի բան էլ ավելի վատ վիճակը այնտեղ է լինելու»: