Թբիլիսիում չեղարկել են ԼԳԲՏ համայնքի երթը

Վրաստանի ԼԳԲՏ համայնքի ներկայացուցիչները չեղյալ են հայտարարել այսօր Թբիլիսիում նախատեսված «Արժանապատվության երթը»՝ ավանդական արժեքների կողմնակիցների ակցիաներից հետո:

ԼԳԲՏ համայնքի ներկայացուցիչները նշում են, որ Վրաստանի ղեկավարությունը ոչ միայն չի ապահովել իրենց անվտանգությունն, այլև ակտիվ գործողություններով խանգարել է օգտագործել հավաքների հնարավորությունը: Ընդ որում, նրանք հղում են արել վարչապետ Իրակլի Ղարիբաշվիլիի հայտարարությանը, որը երկուշաբթի առավոտյան դեմ է հանդես եկել երթի անցկացմանը։ Նրա խոսքով, դա կարող է քաղաքացիական դիմակայություն առաջացնել:
Սեռական փոքրամասնությունների հակառակորդներն առավոտից սկսել են հակաակցիաներ իրականացնել՝ փակելով Ռուսթավելի կենտրոնական պողոտան։