«ՀԱՊԿ-ը հասկացրեց՝ իրենց շահերը համադրվում են ո՛չ թե մեր, այլ Թուրքիայի և Ադրբեջանի շահերի հետ»․ Գևորգ Գալստյան

Ազգային ժողովրդավարական բևեռի մամուլի խոսնակ Գևորգ Գալստյանը ֆեյսբուքյան իր էջում գրել է․ «Կես տարուց ավելի ժամանակ է անցել պատերազմից: Այդ պատերազմից մենք դուրս եկանք ջախջախված բանակով: Պատերազմը ցույց տվեց, որ անվտանգության համակարգը բոլոր առումներով խայտառակ վիճակում է:
Ի՞նչ է արել իշխանությունը բանակի վերականգնման և անվտանգության համակարգի վերակառուցման ուղղությամբ: Ոչի՛նչ: Դրան զուգահեռ, ռազմավարական դաշնակցի կարգավիճակ ունեցող ՌԴ և անվտանգության միջազգային կառույցը՝ ՀԱՊԿ-ը, որին անդամակցում է ՀՀ-ն, ոչ մեկ անգամ բացահայտ կերպով հասկացրեցին, որ իրենց շահերը համադրվում են ո՛չ թե մեր, այլ Թուրքիայի և Ադրբեջանի շահերի հետ: Բայց ՀՀ անվտանգության սպառնալիքները գալիս են վերոնշյալ պետություններից:
Լավ: Ո՞ւր ենք ընթանում այս կերպ»: