Հայտնաբերվել է աշխարհի 3-րդ ամենամեծ ալմաստը

1387

Հինգշաբթի, 08 հուլիսի, 2021 թ., 23:24

Աշխարհում 3-րդ խոշորագույն ալմաստը հայտնաբերվել է Բոտսվանայում։ Ինչպես հայտնել է Agence France-Presse-ը, դրա քաշը կազմում է 1 174 կարատ: Այն զիջում է միայն հարավաֆրիկյան հայտնի «Կուլինանին»՝ 3 106 կարատ քաշով, որը հայտնաբերվել է 20-րդ դարի սկզբին, ինչպես նաև «Սևելոյին» («հազվագյուտ գտածո»)՝ 1 758 կարատ, որը հայտնաբերվել է 2019 թվականին։
Եզակի ալմաստն արդյունահանվել է դեռևս հունիսի 12-ին Lucara Diamond Corp կանադական ընկերության կողմից:
«Սա պատմական գտածո է մեզ և Բոտսվանայի համար»,-շնորհանդեսի ժամանակ ասել է ընկերության գլխավոր տնօրեն Նասիմ Լահրին: