ՍԴ-ն քննում է ԱԺ արտահերթ ընտրությունների արդյունքները վիճարկող դիմումները. ՈՒՂԻՂ ՄԻԱՑՈՒՄ

Սահմանադրական դատարանը քննում է խորհրդարանական արտահերթ ընտրությունների արդյունքները վիճարկող դիմումները:

Ինչպես հայտնի է, ՍԴ-ն որոշել է միավորել «Հայաստան» և «Պատիվ ունեմ» դաշինքների, «Զարթոնք» և «Հայոց հայրենիք» կուսակցությունների դիմումները և քննել դատարանի նույն նիստում, քանի որ վերաբերում են նույն հարցին:

Դատաքննությունն անցկացվում է բանավոր ընթացակարգով: Գործով զեկուցող է նշանակվել ՍԴ դատավոր Էդգար Շաթիրյանը:

Նիստին Կենտրոնական ընտրական հանձնաժողովից կմասնակցեն ԿԸՀ նախագահ Տիգրան Մուկուչյանը, քարտուղար Արմեն Սմբատյանը և անդամ Նունե Հովհաննիսյանը:

Իսկ ՔՊ-ն ներգրավվել է որպես երրորդ անձ՝ ՍԴ-ում ընտրությունների արդյունքները վիճարկելու գործով դատավարությունում:

Հիշեցնենք՝ «Հայաստան» դաշինքը հայտարարել է հետևյալ ընտրախախտումների մասին. «ԱԺ արտահերթ ընտրությունների քվեարկության ժամանակ 109 618 քաղաքացու անձնագրերը չեն գործել։
23 790 քաղաքացու անձնագրերը գործել են, սակայն լուսանկարը չի ցուցադրվել, ինչը բացառում է անձի նույնականացման հնարավորությունը, եթե այդպիսի անհրաժեշտություն առաջանար:
10.993 ընտրող Զինված ուժերի ներկայացուցիչներ էին, և բոլորիս հայտնի է՝ ինչպես են նրանց ուղղորդել կամ ինչպես են նրանք բաց քվեարկել։ Բացի այդ, տեղեկություններ չկան այն մասին, թե որտեղ են նրանք քվեարկել․ քվեարկության գործընթացը գաղտնի է պահվել»,- նշել էր Արամ Վարդևանյանը: