Հինգշաբթի, 28 մարտի, 2024 թ.
|
Ստեփանակերտում`   +12 °C

Թուրքիայի դեսպանը Շուշիի հռչակագիրը համեմատել է Կարսի պայմանագրի հետ

Թուրքիայի դեսպանը Շուշիի հռչակագիրը համեմատել է Կարսի պայմանագրի հետ
672
Ուրբաթ, 09 հուլիսի, 2021 թ., 19:00

«Շուշիի հռչակագիրը նույն նշանակությունն ունի, ինչ Կարսի պայմանագիրը Նախիջևանի համար»։ Այս մասին հայտարարել է Ադրբեջանում Թուրքիայի դեսպան Ջահիթ Բաղչըն, ով այցով գտնվում է Ղարաբաղում։

Նրա խոսքով՝ «այդ հռչակագիրը Կովկասում և Կասպյան ավազանում կայունության պահպանմանն ուղղված քայլ է»:

«Ղարաբաղի վերականգնմանն ու զարգացմանը զուգահեռ, այստեղ կայունություն կհաստատվի, կբացվեն կոմունիկացիաները և ամենակարևորը՝ Զանգեզուրի միջանցքը։ Նախիջևանը Թուրքիայի դարպասն է։ Թուրքիայի կողմից ստորագրված հռչակագրի շնորհիվ կապահովվի ելքը Կենտրոնական Ասիա, Կասպյան ավազան և Արևելք»,- նշել է նա։