ԱՄՆ-ի, Ֆրանսիայի և Ռուսաստանի դեսպանները հրաժարվել են Ալիևի հրավերով Շուշի մեկնելուց

Նախօրեին Ադրբեջանի կառավարության հրավերով Շուշի այցելած 46 պետությունների դեսպանների շարքում չկային երեք տերությունների՝ ԱՄՆ-ի, Ֆրանսիայի և Ռուսաստանի դեսպանները: Վերջիններս չեն ընդունել պաշտոնական Բաքվի հրավերը և հրաժարվել են մեկնել այնտեղ, հայտնում է Haqqin.az-ը:
Այցից հրաժարվելը մեծ աղմուկ է բարձրացրել. կատարվածը «դեմարշ» են անվանել, իսկ երեք գերտերությունները մեղադրվել են «հայանպաստ» դիրքորոշման մեջ:
Ադրբեջանի նախագահի արտաքին քաղաքականության հարցերով օգնական Հիքմեթ Հաջիևը հայտարարել է, որ դիվանագիտական ​​կորպուսի այցը Շուշի կազմակերպվել է նախագահ Իլհամ Ալիևի անձնական հանձնարարությամբ: