Վրացական հեռուստաալիքները դադարեցրել են հեռարձակումը՝ պահանջելով վարչապետի հրաժարականը

Վրացական 4 հեռուստաալիք 1 օրով դադարեցրել են հեռարձակումն ու պահանջում են վարչապետ Իրակլի Ղարիբաշվիլիի հրաժարականը՝ նրան մեղադրելով հուլիսի 5-ին Թբիլիսիում լրագրողներին ծեծի ենթարկելու հետ կապված իրավիճակը սադրելու մեջ, հաղորդում է Sputnik-georgia-ն:
Այդ ԶԼՄ-ների ղեկավարությունը պահանջել է պաշտոնանկ անել Իրակլի Ղարիբաշվիլիին, ինչպես նաեւ «պատժել բռնություն իրականացրած բոլոր անձանց»: Հեռուստաընկերությունների էկրաններին հեռարձակվում է 53 լրագրողների ազգանունների ցանկը, որոնք տուժել են Վրաստանի մայրաքաղաքում տեղի ունեցած անկարգությունների ընթացքում:
Հիշեցնենք՝ Վրաստանում ԼԳԲՏ համայնքի ներկայացուցիչները պատրաստվում էին երթ անցկացնել հուլիսի 5-ին, սակայն կազմակերպիչներն այն չեղարկել են սեռական փոքրամասնությունների հակառակորդների ակցիայի պատճառով, որոնք այդ օրը փակել էին Ռուսթավելի պողոտան: Անկարգությունների մասնակիցները քարեր և շշեր են նետել լրատվամիջոցների ներկայացուցիչների վրա։
Հազարավոր մարդիկ դուրս են եկել Թբիլիսիի փողոցներ՝ արձագանքելով հեռուստաընկերության աշխատակցի մահվան մասին տեղեկատվությանը։ Նրանք Վրաստանի կառավարության ղեկավարին մեղադրել են նրանում, որ հենց նրա խոսքերն են հրահրել ԼԳԲՏ-շքերթի չեղարկումն ու դրա հակառակորդների ուժային գործողությունները: