Դուբայում բացվել է աշխարհի ամենախորը լողավազանը

Դուբայում բացվել է աշխարհի ամենախորը լողավազանը՝ մինչև 60 մետր սուզվելու հնարավորությամբ: Այս մասին հայտնում է AFP-ն։
Deep Dive («խորը սուզում») ջրավազանում ամեն ինչ նախատեսված է ստորջրյա աշխարհի սիրահարների համար։ Բացի հիմնական ջրավազանից՝ այնտեղ կառուցված է արհեստական «հեղեղված քաղաք»՝ հինավուրց բնակավայրի ավերակներով։
Լողավազանում ավելի քան 14 միլիոն լիտր ջուր է տեղավորվում, ինչը համադրելի է 6 օլիմպիական լողավազանի տարողության հետ։
Այցելության ժամը կարող է արժենալ 135-410 դոլար: