Մերկելը Կիևում կհանդիպի Զելենսկիի հետ

Գերմանիայի կանցլեր Անգելա Մերկելը կժամանի Կիև և հանդիպում կանցկացնի Ուկրաինայի նախագահ Վլադիմիր Զելենսկիի հետ, նրա այցի նախնական ամսաթիվն օգոստոսի 22-ն է, հաղորդել է РБК-Украина գործակալությունը՝ հղում անելով իր աղբյուրին:

«Մերկելը կժամանի Կիև։ Նա հանդիպում կունենա Ուկրաինայի նախագահ Վլադիմիր Զելենսկիի հետ...»,-ասված է հաղորդագրության մեջ:

Ավելի ուշ Ուկրաինայի նախագահի մամուլի քարտուղար Սերգեյ Նիկիֆորովը հաստատել է, որ Մերկելը մտադիր է Ուկրաինա այցելել օգոստոսի 22-ին:

«Գերմանիայի կանցլեր Անգելա Մերկելը մտադիր է օգոստոսի 22-ին այցելել Ուկրաինա։ Բանակցությունների թեմաներն են՝ անվտանգությունը, երկկողմ հարաբերությունները և այլ արդիական հարցեր»,- գրել է նա Facebook-ի իր էջում։