«Այժմ իրավիճակն Աֆղանստանում ավելի բարդ է». Շոյգու

Ռուսաստանի պաշտպանության նախարար Սերգեյ Շոյգուն հայտարարել է, որ այժմ իրավիճակն Աֆղանստանում զգալիորեն ավելի բարդ է, քան եղել է երկրից խորհրդային զորքերի դուրսբերումից հետո:

Գեներալը մեկնաբանել է 30-ամյա վաղեմության լուսանկարը, որը համացանցում գտել է նրա հետ հանդիպման մասնակիցներից մեկը։ Նկարում Շոյգուն կանգնած է «ինչ-որ թալիբների» կողքին, սակայն նա հիշեցրել է, որ այդ տարիներին դեռ գոյություն չուներ «Թալիբան» արմատական շարժումը։

«Այս լուսանկարն արվել է Քաբուլում։ Իմ կողքին մոջահեդներ են: Մենք դեռ չէինք հեռացել, իսկ նրանք արդեն եկել էին»,-ասել է Շոյգուն։

Հիշեցնենք՝ ներկայում Աֆղանստանում դիմակայությունն է ընթանում կառավարական ուժերի և «Թալիբան» շարժման զինյալների միջև, որոնք զգալի տարածքներ են գրավել գյուղական շրջաններում և հարձակում ծավալել խոշոր քաղաքների վրա: