Լուկաշենկոն հայտարարել է, որ չի ցանկանում «իշխանությունը ցմահ պահել»

Բելառուսի նախագահ Ալեքսանդր Լուկաշենկոն նախագահի պաշտոնից հեռանալու և «գոնե մի քանի տարի նորմալ կյանքով» ապրելու ցանկություն է հայտնել: Գրում է «БелТА»-ն:

«Ուղղակի հիմարություն է: Եթե մարդկայնորեն ասեմ, պարզապես ուզում եմ նորմալ կյանքով ապրել գոնե մի քանի տարի: Ախր ես դա չեմ էլ տեսել»,- ասել է Բելառուսի առաջնորդը՝ ընդգծելով, որ նախագահությունը «առավոտից երեկո բեռ է և ուժեղ ճնշում»: