Միջազգային տիեզերակայանում առաջին անգամ բացվել է իլյումինատորը

Ռուս տիեզերագնաց Օլեգ Նովիցկին բացել է «Գիտություն» Միջազգային տիեզերական կայանի բազմաֆունկցիոնալ լաբորատոր մոդուլի իլյումինատորը: «Роскосмос»-ը տեսանյութ է հրապարակել, որում երևում է, թե տիեզերական կայանի նոր մոդուլից ինչ գեղեցիկ տեսարաններ են բացվում դեպի Երկիր մոլորակ: Հիշեցնենք, որ ավելի վաղ ռուս տիեզերագնաց Օլեգ Արտեմևը նշել էր, որ ռուսական նոր մոդուլում գտնվող իլյումինատորը կդառնա Միջազգային տիեզերական կայանի անձնակազմի բոլոր անդամների սիրած վայրը: Նրա խոսքերով, իլյումինատորի ապակին արված է այնպես, որ թույլ է տալիս լուսանկարել տեսախցիկով ցանկացած կետից: Հիշեցնենք, որ NASA-ի ղեկավար Բիլլ Նելսոնը կայանի գործարկմանը նվիրված կոնֆերենսի ժամանակ հայտարարել էր, որ միացումը ռուսական մոդուլին կնպաստի ՌԴ-ի և ԱՄՆ-ի միջև համագործակցության զարգացմանը: