«Բա արի՛, պատասխա՛ն տուր». Նիկոլ Փաշինյան

«Մեզ պինդ նյարդեր են պետք, չպետք է հույս ունենաք, որ մի օրում, 6 ամսում, 7 ամսում մեզ հաջողվելու է ստեղծել լիարժեք կայուն միջավայր, դրա համար էլ մեր ծրագրում գրված ա՝ առաջնային խնդիրն իրավիճակը կայունացնելն է, դա նշանակում է՝ ահազանգ մարտահրավերների մասին»,- ԱԺ-ում եզրափակիչ ելույթի ժամանակ հայտարարեց վարչապետ Նիկոլ Փաշինյանը՝ հավելելով. «Էսօր եկել, ասում են՝ բանակցային գործընթացը ձախողել եք: Սերժ Սարգսյանը 2018-ի ապրիլի 17-ին էս ամբիոնից ասել է՝ բանակցային գործընթացը լավատեսություն չի ներշնչում, այն ուղղակի կանգնած է, որովհետև Ադրբեջանի ղեկավարության ակնկալիքները անընդունելի են մեզ համար: Բա արի պատասխա՛ն տուր, թե էդ ո՞նց եք գործընթացը տարել էդքան տարի, որ հնարավորություն եք տվել Ադրբեջանին գալ, սեղանի շուրջ նստել ու անընդունելի պահանջներ ձևակերպել»: