Քաբուլից աֆղանցիների տարհանող ինքնաթիռում ծնված աղջկան անվանել են ԱՄՆ օդուժի պատվին

Գերմանական DW-ի փոխանցմամբ, օրերս Աֆղանստանից Գերմանիայի «Ռամշտայն» ավիաբազա ուղևորվող չվերթի ժամանակ լույս աշխարհ եկած աղջկան ծնողները որոշել են անվանակոչել Ռիչ՝ ի պատիվ ԱՄՆ ռազմաօդային ուժերի C-17 ինքնաթիռի, որով տեղափոխվել են երեխայի ծնողները: Այս մասին հայտնել է Եվրոպայում ՆԱՏՕ-ի զինված ուժերի հրամանատար Թոդ Ուոլթերսը: «Ես՝ որպես ռազմաօդային ուժերի օդաչու, երազում եմ, որ Ռիչ անունով այդ երեխան մեծանա, ԱՄՆ քաղաքացիություն ստանա, իսկ հետագայում նաև թռչի ԱՄՆ կործանիչներով»,- տեսաուղերձի ժամանակ ասել է Ուոլթերսը:

Հիշեցնենք, որ Ռիչը լույս աշխարհ էր եկել օգոստոսի 21-ին՝ ամերիկյան ինքնաթիռում, վայրէջքից մի քանի րոպե հետո: