«Ունեինք վիրավորներ, վերջացել էր զինամթերքը, վերադասը ոչ մի օգնություն չի տրամադրել». փոխգնդապետ
1036 Երկուշաբթի, 30 օգոստոսի, 2021 թ., 12:18 «Մեղադրանքերի հետ ես համաձայն չեմ, դրանք ինձ համար նույնիսկ ծիծաղելի են». անդրադառնալով իրեն առաջադրվող մեղադրանքներին, մամուլիս ասուլիսի ժամանակ հայտարարեց Հադրութի Հին Թաղեր և Խծաբերդ գյուղերում գերեվարված 62 շիրակցիների հրամանատար, փոխգնդապետ Արսեն Ղազարյանը: Մանրամասնելով տեղի ունեցածը, փոխգնդապետը պատմեց հետևյալը. «Դեկտեմբերի 9-ից սկսած՝ տվյալ տարածքում հակառակոդի կողմից մեծաքանակ ուժերով տեղաբաշխումներ են կատարվել, որի մասին ես վերադաս հրամանատարությանը բջջային հեռախոսակապով, բայց մեծ դժվարությամբ տեղեկացրել եմ: Դեկտեմբերի 11-ին տեղեկություն ստացանք, որ մեր ձախ հատվածում հակառակորդի կողմից տեղի է ունեցել բացահայտ հարձակում, ունենք վիրավորներ: Փորձել ենք տվյալ անձնակազմին տարածքից տարհանել, վիրավորներին ցուցաբերվել է բժշկական օգնություն: Այդ ամենն արվել է շատ ուշացումով, մեծ դժվարությամբ, քանի որ տեղանքը անանցանելի էր, բոլոր գործողությունները կատարվել են ոտքով»: Շարունակելով իրադարձությունների նկարագրումը՝ Ա. Ղազարյանը նշեց, որ այդ ամենից հետո, փորձել են ուժեղացնել մյուս մարտական դիրքը, որն իր աշխարհագրական դիրքով հանդիսացել է որպես մատակարարման կետ: Այդ դիրքը, ըստ հրամանատարի, մարտ վարելու համար անբարենպաստ էր: «Դեկտեմբերի 13-ին տվյալ հատվածի վրա տեղի ունեցավ բացահայտ հարձակում: Հարձակումից առաջ հակառակորդի ստորաբաժանման ղեկավարը փորձեց բանակցություններ վարել, պահաջնեց հանձնվել, զենքերը հանձնել և տարածքը լքել: Իհարկե, ես այդ պահանջը հրաժարվել եմ կատարել և այդ մասին տեղեկացրել ենք վերադասին: Իրենք մեզ հրահանգել են հանգիստ մնալ՝ ասելով, որ հակառակորդը չի հարձակվելու ձեզ վրա, պայմանավորվածություն կամ բանակցություններ են վարվում: Հակառակորդը պահանջել է 20 րոպեում մարտական դիրքերը լքել, բայց մենք չենք կատարել; Չանցած 20 րոպե՝ բացահայտ հարձակում է տեղի ունեցել: Մինչ այդ, փորձել եմ ինքս հետախուզություն վարել՝ հակառակորդի տեղի, դիրքի, ստորաբաժանումների քանակի վերաբերյալ: Վերադասի կողմից այդպիսի ինֆորմացիա չի տրամադրվել, նաև՝ հակառակորդի գտնվելու վայրի, նրա տեղաբաշխման, սպառազինության, ուղղակի, զուտ՝ մարտական հերթապահություն իրականացնել և վերջ: Մեզ միջոցներ չեն հատկացվել, իսկ դեկտեմբերի 13-ին հակառակորդի հարձակման ժամանակ, երբ ունեինք երկու վիրավոր, վերջացել էր զինամթերքը և հնարավոր չէր տարածքը պահել, քանի որ 12-15 անգամ գերազանցող ուժեր էին, փորձել ենք կատարել մարտավարական հնարք՝ ավելի բարենպաստ դիրքեր զբաղեցնել և օգնություն խնդրել, որպեսի մեր դիրքը, գուղերը չհանձնենք. ոչ մի օգնություն չի եղել, մնացել ենք մենակ»,- պատմեց նա: Հարցին՝ ո՞վ կամ ովքե՞ր են մեղավոր, փոխգնդապետը պատասախանեց, որ, թեև, մեղավորներ կան, բայց անուններ չի ցանկանում բարձրաձայնել: Հիշեցնենք՝ Արսեն Ղազարյանին մեղադրանք է առաջադրվել Քրեական օրենսգրքի մի քանի հոդվածներով, որոնցից են՝ հրաման չկատարել, զենգ գործադրելուց հրաժարվել, մարտական դիրքերը թողնել և այլն: |
«Եվրոպան նախապատերազմական փուլում է»․ Դոնալդ Տուսկ
16317:36«Նպատակը Երևանին Մոսկվայից ու ԵԱՏՄ-ից հեռացնելն է»․ ՌԴ ԱԳՆ
14417:00«ԱՄՆ պետդեպի հայտարարությունները փաստում են՝ պետք չէ ապրիլի 5-ի հանդիպմանը վերաբերվել որպես բացառիկ իրադարձություն»․ Տ․ Հայրապետյան
7616:48«102-րդ ռազմաբազան Հայաստանի ինքնիշխանության միակ երաշխիքն է»․ ՌԴ ԱԳՆ
15316:36«Վտանգավոր Մհերը»․ Էդգար Ղազարյան
8516:24«Նեղացկոտ էֆենդին արգելել է»․ Մարգարիտա Սիմոնյան
18815:54Ադրբեջանական հեռուստաալիքը պարզաբանել է՝ ինչու չի ցուցադրել Արայիկ Հարությունյանի հարցազրույցը
15515:18«Միայն Ներքին Հանդում 2700 հա գտնվում է ադրբեջանական օկուպացիայի ներքո»․ Արման Թաթոյան (տեսանյութ)
6514:30