ՏԻՄ ընտրությունների համար ոստիկանությանը 25 մլն 249 հազար դրամ կհատկացվի

Կառավարությունը հաստատեց ՀՀ Լոռու մարզի Ստեփանավան, Սյունիքի մարզի Կապան, Տավուշի մարզի Իջևան համայնքների ավագանիների ընտրություններ նշանակելու, Հայաստանի Հանրապետության կառավարության 2020 թվականի դեկտեմբերի 30-ի N 2215-Ն որոշման մեջ փոփոխություններ և լրացումներ կատարելու և Հայաստանի Հանրապետության ոստիկանությանը գումար հատկացնելու մասին հարցը: «Երեք համայնքներում ՏԻՄ ընտրություններն առաջարկվում է նշանակել ու անցկացնել 2021թ. նոյեմբերի 14-ին՝ ավագանու ընտրության համամասնական ընտրակարգով: Ընտրությունների նախապատրաստման համար նախատեսվում է ոստիկանությանը հատկացնել 25 մլն 249 հազար դրամ»,- ասաց Տարածքային կառավարման և ենթակառուցվածքների նախարար Գնել Սանոսյանը: