Մինսկը սպասում է Աֆղանստանից փախստականների հետ կապված իրավիճակի բարդացում

Բելառուսի սահմանապահ ծառայությունը մտավախություն է հայտնել, որ Աֆղանստանից փախստականների սպասվող հոսքի պատճառով, հանրապետության սահմաններին տիրող իրավիճակը կարող է բարդանալ: Սահմանապահների խոսքով՝ փախստականների քողի տակ, երկիր կարող են ներթափանցել ծայրահեղականներ, փոխանցում է Рен ТВ-ն: Հաղորդվում է, որ փախստականների չորս խումբ է հայտնաբերվել՝ երկուսը Լատվիայի, իսկ մյուս երկուսը՝ Լեհաստանի հետ սահմանին: Այս խմբերում ներգաղթյալների ընդհանուր թիվը կազմում է մոտ 60 մարդ, հիմնականում Իրաքի և Աֆղանստանի քաղաքացիներ: