«Վաղ թե ուշ Ուկրաինան և Ռուսաստանը կվերականգնեն հարաբերությունները». Պուտին

Ռուսաստանի առաջնորդ Վլադիմիր Պուտինը, Վլադիվոստոկում անցկացվող Արևելյան տնտեսական համաժողովի ժամանակ պատասխանելով լրագրողի այն հարցին, թե արդյոք հնարավո՞ր է, որ մի օր Ուկրաինայի նախագահը ներկա գտնվի Վլադիվոստոկում կամ Պետերբուրգում անցկացվող ֆորումներից մեկին, պատասխանել է. «Իհարկե, ես իսկապես մեծ հույս ունեմ, քանի որ այն իրավիճակը, որում մենք այսօր հայտնվել ենք, բացարձակ աննորմալ է, անբնական: Որքան շուտ դա տեղի ունենա, այնքան լավ. մենք կվերականգնենք մեր հարաբերությունները Ուկրաինայի հետ»:

Պուտինը նաև նշել է, որ Ուկրաինայի ղեկավարի ընտրությունը կախված է ուկրաինացիներից, գրում է Вести-ն: