Վանի Սուրբ Խաչ եկեղեցում պատարագ է մատուցվել

320

Երկուշաբթի, 06 սեպտեմբերի, 2021 թ., 16:36

Վանի Աղթամար կղզու Սուրբ Խաչ հայկական եկեղեցին այս տարի ևս իր դռներն է բացել հավատացյալների առաջ, գրում է «Էրմենիհաբեր»-ը: Սեպտեմբերի 5-ի վաղ առավոտից կրոնավորներն ու հյուրերը ուղևորվել են Աղթամար կղզի։ Նախորդ տարի կորոնավիրուսի համավարկի պատճառով պատարագը եղել էր ոչ մարդաշատ։ Այս տարի պատարագի արարողությունը հանդիսապետել է Կ․ Պոլսի Հայոց պատրիարքության գլխավոր քարտուղար Թաթուլ Անուշյանը։ Նշենք, որ 95 տարվա դադարից հետո 2010-ից ի վեր ամեն տարի սեպտեմբերին՝ Խաչվերաց տաղավար տոնին հաջորդող կամ նախորդող կիրակի օրը, Վանի Սուրբ Խաչ եկեղեցում պատարագ է մատուցվում։