Արմեն Գևորգյանի պաշտպանը լքեց նիստերի դահլիճը

Ռոբերտ Քոչարյանի և Արմեն Գևորգյանի դատական նիստի ժամանակ ՀՀ նախկին փոխվարչապետ Արմեն Գևորգյանի մասով մեղադրական եզրակացության եզրափակիչ մասը հրապարակելուց առաջ՝ Գևորգյանի պաշտպան Էրիկ Ալեքսանյանը հայտարարեց, որ չի մասնակցելու սույն գործով վարույթին։

«Արմեն Գևորգյանի բանավոր դիրքորոշումը ճշտելուց հետո իմ՝ որպես Արմեն Գևորգյանի պաշտպան պարտականությունները հետայսու դադարեցնել»,- դիմելով դատարանին՝ ասաց պաշտպանը։

Դատավորը նկատեց, որ երբ մեղադրականն են ցանկանում հրապարակել, պաշտպաններն ինքնաբացարկի միջնորդություն են ներկայացնում։

«Մեր դատավարական հարաբերությունները չի ստացվում, դուք հակակրանք ունեք իմ նկատմամբ և զարմանալի չի այնքանով, քանի որ ես ձեզ հետ մինչ օրս իրավական վեճ ունեմ»,- դատավոր Աննա Դանիբեկյանին ասաց Ալեքսանյանը։