Գրիգի «Հիսուսի կատուն»՝ HOTLIST մրցույթի տարվա 10 ընտրված գրքերի շարքում

1111

Երեքշաբթի, 07 սեպտեմբերի, 2021 թ., 19:18

Արձակագիր Գրիգի «Հիսուսի կատուն» պատմվածքների ժողովածուի գերմաներեն թարգմանությունը ներառվել է գերմանական HOTLIST անկախ հրատարակիչների մրցույթի տարվա տասը ընտրված գրքերի շարքում:

Գրողն իր «Ֆեյսբուքի» պաշտոնական էջում գրել է, որ սկզբում 179 գրքից HOTLIST-ի հոգաբարձուների խորհուրդն ընտրել է 30 գիրք, որից հետո քվեարկության և ժյուրիի որոշմամբ ձևավորվել է տարվա գրքերի տասնյակը:

Գրիգը շնորհակալություն է հայտնել բոլորին, ովքեր քվեարկել են, ժյուրիի անդամներին և կազմակերպիչներին, գրքի թարգմանիչներ Վիեբկէ Զոլմանին և Անահիտ Ավագյանին՝ ընտիր թարգմանության և սրտացավ վերաբերմունքի համար: