ՀԱՊԿ-ը կոլեկտիվ ուժերին կվերազինի ժամանակակից զենքով

ՀԱՊԿ անդամ-երկրների միջոցները բավարար են Աֆղանստանից հարևան երկրներ զինյալների զանգվածային ներթափանցումը կանխելու համար: Այս մասին հայտարարել է ՌԴ փոխվարչապետ Յուրի Բորիսովը՝ ՀԱՊԿ երկրների ռազմատնտեսական համագործակցության միջպետական ​​հանձնաժողովի նիստում, գրում է Ռիա Նովոստին: Իր խոսքերով, Աֆղանստանի տարածքից փախստականների զանգվածային ներթափանցումը հարևան երկրներ մեծացել է: Սա փոխկապակցված է Կենտրոնական Ասիայի պետությունների անվտանգության համար ուղղակի սպառնալիքների հետ և կարող է հանգեցնել տարածաշրջանի ապակայունացման: «Չափազանց կարևոր եմ համարում ՀԱՊԿ արագ արձագանքման հավաքական ուժերին ժամանակակից զենքով, ռազմական և հատուկ տեխնիկայով ինչպես նաև հատուկ միջոցներով զինելու ծրագրի ստորագրման նախապատրաստական ​​աշխատանքների արագացումը»,- հայտարարել է փոխվարչապետը: Բացի այդ, վերջինս նշել է, որ Աֆղանստանում տիրող իրավիճակը պետք է գտնվի ՀԱՊԿ ուշադրության կենտրոնում: