«Արմենիա» ավիաընկերությունը բանակցում է թուրքական օդային տարածքով չվերթների վերսկսման շուրջ. «Սպուտնիկ Արմենիա»

855

Հինգշաբթի, 09 սեպտեմբերի, 2021 թ., 17:18

Թուրքիայի՝ Հայաստանում գրանցված օդանավերի մուտքի արգելքն իր օդային տարածք, ազդում է թռիչքների արժեքի և տևողության վրա: «Ներկայում մենք Թուրքիայի օդային տարածքով թռիչքներ չենք իրականացնում, բայց տարվում են բանակցություններ, և կարծես թե դրական տեղաշարժ կա: Հույս ունենք, որ սեղմ ժամկետներում հարցը կկարգավորվի»,- «Սպուտնիկ Արմենիա»-ի փոխանցմամբ, հայտարարել է «Արմենիա» ավիաընկերության փոխտնօրեն Գևորգ Խաչատրյանը:

Նա տեղեկացրել է, որ մարտ-ապրիլ ամիսներին ավիաընկերությունը դիմել էր Թուրքիային՝ օդանավերի մուտքի թույլտվություն ստանալու համար, սակայն մերժում էր ստացել:

Հիշեցնենք, որ 44-օրյա պատերազմի մեկնարկից շուտ՝ քսան օր առաջ՝ 2020-ի սեպտեմբերի 9-ից սկսած, Թուրքիան արգելել է Հայաստանում գրանցված օդանավերի մուտքն իր օդային տարածք: