«ԱՄՆ-ի դաշնակիցները չէին կարողանա շարունակել ռազմական գործողություններն Աֆղանստանում». ՆԱՏՕ-ի գլխավոր քարտուղար

Առանց ԱՄՆ-ի՝ դաշնակիցները չէին կարողանա շարունակել ռազմական գործողություններն Աֆղանստանում, խոստովանել է ՆԱՏՕ-ի գլխավոր քարտուղար Յենս Սթոլթեմբերգը՝ The New York Times-ի հետ զրույցում: Պաշտոնյայի խոսքով՝ եվրոպական դաշնակիցների համար դժվար կլիներ հասնել հավելյալ միջոցների տրամադրման և Աֆղանստանում զինվորական կոնտինգենտի ավելացման: «Բոլորս հասկանում էինք, որ դա բարդ որոշում է՝ հեռանալ՝ ռիսկի գնալով, որ «Թալիբան»-ը կվերադառնա կամ մնալ, ինչը կհանգեցներ նոր մարտերի և զոհերի»,- հավելել է Սթոլթենբերգը: Նրա խոսքով՝ ՆԱՏՕ-ի բոլոր երկրները գիտակցում էին Քաբուլի կառավարության անկման անխուսափելիությունն ու թալիբների՝ իշխանության գալը: