Շաբաթ, 25 սեպտեմբերի, 2021 թ.
|
Ստեփանակերտում`   +13 °C

«Մի փոքր «Դեյզիի» տեսահոլովակի նկարահանման վայրի մասին». «Նեմրա»

«Մի փոքր «Դեյզիի» տեսահոլովակի նկարահանման վայրի մասին». «Նեմրա»
183
Երկուշաբթի, 13 սեպտեմբերի, 2021 թ., 03:06

«Նեմրա» երաժշտական խումբը հաղորդագրություն է տարածել. «Մի փոքր «Դեյզիի» տեսահոլովակի նկարահանման վայրի մասին:
Ինչպես արդեն տեղեկացրել էինք, տեսահոլովակը նկարահանեցինք մեր սիրելի Գյումրիում, քանի որ մի քանի տարի առաջ Գյումրիի համերգներից մեկի ժամանակ Վանը բեմից խոստացավ, որ Դեյզին Գյումրիում կնկարենք:
Եվ շատ ուրախ ենք, որ գտանք այն վայրը, որը տեսահոլովակի համար պատկերացնում էինք ի սկզբանե: Տեսահոլովակը նկարահանվեց «Հայուհի» թանգարանում:
Շատ հետաքրքիր փաստ թանգարանի մասին. այս տարածքում, 1985 թվականին նկարահանվել են Հայաստանի պատմության ամենագեղեցիկ ֆիլմերից մեկի՝ «Մեր մանկության տանգոյի», որոշ տեսարաններ (Վարդուշի տան տեսարանները) , եթե ուշադիր դիտեք կտեսնեք նույն փողոցները, նույն կառքը, նույն դարպասները, սենյակները և բազմաթիվ այլ դետալներ...
Մեզ համար շատ տպավորիչ ու էմոցիոնալ էր, ֆիլմից 36 տարի անց մեր տեսահոլովակի նկարահանումներն իրականացնել այնտեղ և զգալ հայ մեծանուն դերասանների շունչը, իսկ ամբողջ ընթացքում մեր երգի հետ զուգահեռ մտքում երգում էինք Տիգրան Մանսուրյանի՝ «Մեր մանկության տանգոյի» հրաշք մեղեդին:
Եվս մեկ անգամ շնորհակալ ենք Հայկ Դեմոյանին, որ թույլ տվեց նկարահանումներն իրականացնել այնտեղ, և շնորհակալ ենք թանգարանի աշխատակիցներ՝ Ժաննային և Աննային մեզ շատ օգնելու համար:
Անպայման այցելեք «Հայուhի» թանգարան և վայելեք այդ հրաշալի մթնոլորտը»:

Աղբյուրը`   «Նեմրա»