Կիրակի, 24 հոկտեմբերի, 2021 թ.
|
Ստեփանակերտում`   +18 °C

Սասուն Խաչատրյանը նշանակվեց Հակակոռուպցիոն կոմիտեի նախագահ

Սասուն Խաչատրյանը նշանակվեց Հակակոռուպցիոն կոմիտեի նախագահ
212
Հինգշաբթի, 16 սեպտեմբերի, 2021 թ., 12:12

Այսօր՝ Կառավարության նիստում որոշվեց ՀՔԾ պետ Սասուն Խաչատրյանին նշանակել Հակակոռուպցիոն կոմիտեի նախագահ:
Վարչապետի աշխատակազմի ղեկավար Արայիկ Հարությունյանը հարցը ներկայացնելիս՝ նշեց, որ սա կարևոր քայլ է հակակոռուպցիոն քաղաքականության իրականացման ճանապարհին: «Սույն թվականի սեպտեմբերի 10-ին տեղի է ունեցել մրցույթը, որտեղ առավելագույն միավորումներ է հավաքել Սասուն Խաչատրյանը»,- նշեց Հարությունյանը։
«Կառույցը լինելու է մասնագիտացված քննչական մարմին, որն ունենալու է նաև օպերատիվ-հետախուզական գործառույթներ»,- իր խոսքում նշեց Սասուն Խաչատրյանը։
«Մասնագիտացումը, անշուշտ, բերելու է արդյունավետության բարձրացման: Կառույցն սկսելու է գործել առավելագույնը մեկ ամիս և 6 օր անց: Ամբողջությամբ այդ ընթացքում չի գործի, ընդամենը 20 քննիչ կնշանակվի, իսկ ամբողջ ծավալով կսկսի գործել եկող տարվա սկզբից»,- հավելեց նա։