Լյովա Սարգսյանի դուստրը և որդին դատական հայց են ներկայացրել՝ ընդդեմ դատախազության

ՀՀ 3-րդ նախագահ Սերժ Սարգսյանի եղբոր՝ Լյովա Սարգսյանի դուստրը՝ Անի Սարգսյանը և որդին՝ Նարեկ Սարգսյանը հայցադիմումներ են ներկայացրել Վարչական դատարան՝ ընդդեմ Գլխավոր դատախազության, որով վիճարկում են իրենց գույքն ուսումնասիրելու վերաբերյալ դատախազության որոշումը։

«ՀՀ գլխավոր դատախազության ապօրինի ծագում ունեցող գույքի բռնագանձման գործերով վարչության դատախազ Տ. Դավթյանի կողմից 2020թ. հոկտեմբերի 7-ին կայացված N 22-47-20 /22-047-20/ հայցվորին պատկանող գույքի առնչությամբ «Ուսումնասիրություն սկսելու մասին» որոշումը վերացնելու պ/մ»,- նշված է պահանջում։