Արենի 1 քարայրում տեղի է ունեցել 2007-ին հայտնաբերված գանգերի վերականգնման գործընթացի ներկայացում

606

Հինգշաբթի, 23 սեպտեմբերի, 2021 թ., 14:48

Արենիի համայնքապետարանը ֆեյսբուքյան իր էջում հայտնում է․ «Սույն թվականի սեպտեմբերի 23-ին, Արենի համայնքի ղեկավար Հուսիկ Սահակյանը և Վայոց ձորի մարզպետ Արարատ Գրիգորյանը ներկա գտնվեցին՝ Արենի 1 քարայրում տեղի ունեցող, դեռևս 2007 թվականին հայտնաբերված մարդկային գանգերի վերականգնման գործընթացի ներկայացմանը։ Հայտնաբերվել են երեք մարդկային գանգեր՝ 6, 9 և 19 տարեկան։ Հայաստանի Հանրապետության, Չեխիայի Հանրապետության և Բրազիլիայի հանրապետության համագործակցությամբ ամբողջովին վերականգնվել է 19 տարեկան երիտասարդ տղամարդու արտաքին տեսքը՝ հիմք ընդունելով վերջինիս հայտնաբերված գանգը»։