«Հայաստան»-ն ու «Պատիվ ունեմ»-ը լքեցին նիստերի դահլիճը

«ՀՀ իշխանություններն այդպես էլ չեն հասկանում առաջնահերթությունները. արդեն 12-րդ օրն է, որ պահանջել ենք ԱԱԾ տնօրենի, ԱԳ նախարարի, Պաշտպանության նախարարի ուղիղ մասնակցությամբ իրականացնել քննարկում, սակայն այս օրերին տեսնում ենք՝ ինչ լարված իրավիճակ է, երբ Էրդողանի հետ սիրախաղերը ու Ալիևի հայտարարությունները մատնանշում են այն մասին, որ գործ ունենք պետության անվտանգության խնդիրների հետ»,- ԱԺ արտահերթ նիստում հայտարարեց «Հայաստան» խմբակցության պատգամավոր Արծվիկ Մինասյանը՝ հավելելով, որ չեն մասնակցի օրակարգում ընդգրկված հարցի քննարկմանը: «Պատիվ ունեմ»-ից Հայկ Մամիջանյանը ևս հայտնեց, որ չեն մասնակցելու հարցի քննարկմանը:

Ազգային ժողովի արտահերթ նիստի օրակարգում ընդգրկված է ՀՀ վարչատարածքային բաժանման մասին և Տեղական ինքնակառավարման մասին օրենքներում փոփոխությունների նախագծերի փաթեթը: