Լուսանկարչական աշխատանքների ցուցադրություն` Թեքեյան մշակութային միությունում
443 Չորեքշաբթի, 29 սեպտեմբերի, 2021 թ., 02:06 Թեքեյան կենտրոնում բացվել է լուսանկարչական աշխատանքների ցուցադրություն։ Այն կազմակերպվել է Հայաստանի Թեքեյան մշակութային միության կողմից անցկացվող «Վահան Թեքեյան» ամենամյա մրցանակաբաշխության շրջանակներում։ 15 լուսանկարիչ մրցույթի է ներկայացրել 2019- 2020 թվականների ընթացքում կատարած լուսանկար կամ ֆոտաշարք։ Աշխատանքներից միայն մեկը կարժանանա «Վահան Թեքեյան» մրցանակի և դրամական պարգևի՝ 1500 ԱՄՆ դոլար: Մասնակիցների շարքում են ինչպես փորձառու, հանրությանը քաջածանոթ լուսանկարիչներ, այնպես էլ ոլորտի նորահայտ անուններ, այդ թվում նաև ուսանողներ։ Մրցույթի պայմաններն ազատ էին. յուրաքանչյուր լուսանկարիչ մրցույթին և ֆոտոարվեստի սիրահարների դատին է ներկայացրել իր լավագույն աշխատանքը, որում իր ապրումներն էին, հույզերն ու լուսանկարչական ուրույն ձեռագիրը։ Լուսանկարների թեմատիկան բազմազան էր՝ արևածագից մինչև գյուղական առօրյա, քաղաքային տեսարժան վայրերից մինչև ծաղկաշատ այգիներ: Շատերի լուսանկարներն Արցախից էին՝ կարոտի ու սպասումի, պահի վայելքը վերհիշելու ցանկությամբ ու լուռ ափսոսանքի բովանդակությամբ։ Նրանց աչքի և ձեռքի սերտ համագործակցության արդյունքում ստացվել էին գեղարվեստական ու լուսանկարչական հարուստ որակներով ֆոտոներ։ Ի դեպ, ցուցադրությունը բաց կլինի մինչև սեպտեմբերի 30-ը։ «Գեղարվեստական լուսանկարչություն» անվանակարգի «Վահան Թեքեյան» մրցանակակրի անունը հայտնի կդառնա հոկտեմբերի 8-ին՝ ամենամյա մրցանակաբաշխության հանդիսավոր միջոցառմանը։ Մրցանակների կարժանանան 6՝ Գրականություն, Հայագիտություն, Լրագրություն, Գեղարվեստական լուսանկարչություն, Կերպարվեստ և Թատերական արվեստ անվակարգերում հաղթող ճանաչված մասնակիցները։ |
Գուգարաց թեմի առաջնորդը Կիրանցում է
3823:30«Միայն իրենց իշխանական ալիքներով է, որ հաջող գործարք են իրականացրել, այնինչ իրականում ողբ է». Տեր Արամ (տեսանյութ)
209Երեկ, 21:13«Հանգիստ մի՛ նստեք ու ասեք՝ ես իմ գործով կզբաղվեմ, ու ամեն ինչ նորմալ կլինի». Արսեն Գրիգորյան (տեսանյութ)
205Երեկ, 20:54«Ցեղասպանվեցինք, որովհետև մեզնից առավել ուրիշին սիրեցինք. այսօր պատմությունը կրկնվում է». Արշակ Սրբազանի ելույթը (տեսանյութ)
34024.04.2024, 01:54Մայր Աթոռը հայտարարություն է տարածել
53822.04.2024, 18:06«Հայ ժողովուրդն ամենուր պետք է շարունակի համախմբվել՝ հանուն Ցեղասպանության դատապարտման»․ Կաթողիկոս
46821.04.2024, 22:00«Հայի պատմությունը բնավ զիջումի քաղաքականության պատմություն չի եղել». Արամ Ա
43221.04.2024, 19:54Տիգրան Համասյանի համերգը՝ Խուստուփ լեռան լանջին (լուսանկար, տեսանյութ)
42221.04.2024, 13:18