«Տարածաշրջանը գնում է դեպի շատ վտանգավոր ռազմա-դիվանագիտական լարվածության». Արման Աբովյան

ԱԺ նախկին պատգամավոր Արման Աբովյանը ֆեյսբուքյան իր էջում գրել է․ «Այն, ինչ այսօր կատարվում է Հայաստանի սահմանների շուրջ, շատ հստակ ցույց է տալիս, որ տարածաշրջանը գնում է դեպի շատ վտանգավոր ռազմա-դիվանագիտական լարվածության:

Ռուսաստանը, Իրանը, Թուրքիան, Ադրբեջանը, ԱՄՆ-ն, Եվրոպան, Չինաստանը, Իսրայելը, որպես հիմնական տարածաշրջանային խաղացողներ, իրենց վրա են քաշում «հնարավորությունների վերմակը», ինչը մեզ համար անխուսափելիորեն նոր լուրջ ցնցումներ կառաջացնի արտաքին ճակատում։ Իսկ հաշվի առնելով հայաստանյան ներքաղաքական ճգնաժամի խորացումը, ապա պատկերը առավել քան վտանգավոր է դառնում բոլոր առումներով։

Այս դեպքում «գլոբալ խաղաղության» ՀՀ իշխանությունների օրակարգն իրականում պարտվողականության, թուրք-ադրբեջանական հակահայկական վեկտորի հետ համակերպվելու (այսինքն՝ պետության ինքնասպանության) քաղաքականություն է:

Ուզենք, թե չուզենք, «խաղաղության» կեղծ օրակարգը Հայաստանին մոտեցնում է նոր կորուստների և ահավոր աղետների եզրին:

Մինչև մենք չունենաք կամք և քաջություն առերևսվել իրականության հետ և եթե չդադարենք ապրել թուրքահաճո վարդագույն երազանքներով, երկիրն անխուսափելի շարժվելու է դեպի ինքնաոչնչացում»։