«Խնդրեց մենեջերին, որ ես իրեն չսպասարկեմ, այլ իր հետ ճաշեմ». Վաղինակ Շուշանյան

Էլեկտրաէներգիայի թանկացման դեմ պայքարող «Ոչ թալանին» նախաձեռնության անդամ Վաղինակ Շուշանյանը ֆեսբուքյան իր էջում գրել է. «Հայկոյի հետ ընկերացա Էլեկտրիկի ժամանակ:
Անցել էր ահագին ժամանակ ու ես սկսել էի մատուցող աշխատել քաղաքի ռեստորաններից մեկում:
Մի օր Հայկոն եկել էր հաց ուտելու ու ես մոտեցա սպասարկելու: Մի պահ սառած կանգնեց, աչքերը լցրեց ու ասաց.
- Ապե՛ր, բա խի՞ սենց որ, վաբշե չեն գնահատում էլի մարդու արած: Չեմ ասում, որ մատուցողը վատ գործա, բայց էդքանից հետո քո տեղը ուրիշ տեղ պիտի լիներ:
Հետո խնդրեց մենեջերին, որ ես իրեն չսպասարկեմ, այլ միանամ՝ իր հետ ճաշելու:
Շատ հաճելի երեկո անցկացրինք միասին:
Հայկո ջան, ընկերս, լավ մարդ ու երաժիշտ՝ լույսերի մեջ մնաս»: