ՄԻՊ-ը միջազգային լրատվամիջոցներին ներկայացրել է հայ գերիների նկատմամբ Ադրբեջանի խոշտանգումները
710 Ուրբաթ, 08 հոկտեմբերի, 2021 թ., 12:24 Հայաստանի մարդու իրավունքների պաշտպան Արման Թաթոյանը ֆեյսբուքյան իր էջում գրել է. «Երեկ Հռոմում առանձին հանդիպել եմ The Guardian, Times, France 24, DW Germany, Stampa Estera, Rai, Al Ghad TV և այլ լրատվամիջոցների ներկայացուցիչների հետ՝ ներկայացնելով ադրբեջանական կողմի խոշտանգումները հայ գերիների նկատմամբ՝ ապացույցներով, ՀՀ սահմանային բնակիչների իրավունքների խախտումներն ադրբեջանական զինված ծառայողների հանցավոր արարքներով։ Հատուկ անդրադարձել եմ անվտանգության ապառազմականացված գոտի ստեղծելու ՀՀ մարդու իրավունքների պաշտպանի հայեցակարգին։ Նշել եմ, որ ԵԽԽՎ-ում բանաձևում ևս ներառվել է մեր առաջարկը, քանի որ փաստերով հիմնավորել ենք դրա անհրաժեշտությունը։ Անդրադարձել եմ նաև պատերազմից հետո ադրբեջանական զինծառայողների անօրինական տեղակայումներին ՀՀ համայնքների միջև ճանապարհներին, հանցավոր արարքներին, ինչը վտանգել է մարդկանց կյանքն ու առողջությունը, ոտնահարում է նրանց իրավունքները, իսկ Գեղարքունիքում և Սյունիքում ՀՀ ինքնիշխան տարածք ներխուժումների պատճառով առավել ևս տեղի են ունենում սահմանային բնակիչների կենդանիների գողություններ, սպառնալիքներ քաղաքացիական անձանց նկատմամբ, կրակոցներ և այլ հանցավոր արարքներ։ Մանրամասն ներկայացրել եմ Ադրբեջանում պահվող հայ գերիների վերադարձի հրատապությունը՝ շեշտելով, որ անտեսված են միջազգային պահանջները և նրանք պահվում են ռազմաքաղաքական սակարկությունների նպատակով: Ադրբեջանական նման քաղաքականությունը, երբ հայատյացությունն ու հայասպանությունը խրախուսվում են պետական մակարդակով, լրջորեն վտանգում է մարդկանց խաղաղ կյանքն ու անվտանգությունը, երկու ժողովուրդների խաղաղ գոյակցության հեռանկարները: Հատուկ նշել եմ, որ ադրբեջանական խաղաղասիրական կոչերը պարզապես շղարշ են միջազգային հանրության համար։ Փոխանցել եմ Մարդու իրավունքների պաշտպանի զեկույցները և պայմանավորվել ենք համագործակցել հետագայում: Հանդիպման կազմակերպման հարցում հատուկ շնորհակալություն ենք հայտնում Իտալիայում Հայաստանի արտակարգ և լիազոր դեսպան Ծովինար Համբարձումյանին և դեսպանության աշխատակիցներին»։ Աղբյուրը` Արման Թաթոյան |
Մայիսի 8-ին երթը Չարենցավանից ուղղություն կվերցնի դեպի Աբովյան
400:24Մի շարք հասցեներում ջուր չի լինելու
3600:06«Թույլ չտանք տգիտությանն ու անբարոյականությանը պղտորել հոգևորն ու առաքինին». Տարոն Սիմոնյան
36Երեկ, 23:48«Ազգադավը փորձում է պառակտում առաջացնել Էջմիածնում». «Կանչ»
87Երեկ, 22:54«Եթե այս կյանքում չստացվի, դժոխքը կա ու կա». Սոս Հակոբյան
80Երեկ, 22:24Բագրատ Սրբազանը նույնիսկ այսօր մնաց հիմնական հանրային օրակարգ թելադրող». Վարդան Ոսկանյան
80Երեկ, 21:54Սուրեն Պետրոսյանը պատասխանել է Փաշինյանի հայտարարությանը, թե շարժումը Քոչարյանին վերադարձնելու համար է (տեսանյութ)
131Երեկ, 21:36Բագրատ Սրբազանի հարցազրույցը Նազենի Հովհաննիսյանին (տեսանյութ)
134Երեկ, 21:18