«Հայաստանի համար կարևոր է Վրաստանի անվտանգային շրջանակում ԱՄՆ դերի բարձրացումը». Ա. Բաբաջանյան

Նախկին պատգամավոր Արման Բաբաջանյանը ֆեյսբուքյան իր էջում գրում է. «ԱՄՆ-ը հանձնառու է՝ օգնելու Վրաստանին ամրապնդել պաշտպանական ուժերը և դյուրացնելու նրա եվրատլանտյան ինտեգրումը»,- հայտարարել է ԱՄՆ պաշտպանության նախարար Լլոյդ Օսթինը Վրաստանում:
Անկասկած է, որ այստեղ լոկ ԱՄՆ-Վրաստան կամ ՆԱՏՕ-Վրաստան հարաբերության շրջանակի հարց չէ: ԱՄՆ գործողությունները էական նշանակություն են ունենալու ռեգիոնալ անվտանգային համակարգի տեսանկյունից, ինչն իր հերթին կարող է անուղղակիորեն նպաստել այդ համակարգի «ռուս-թուրքական» պարփակում թույլ չտալու համար: Դա էլ իր հերթիան էական նշանակություն ունի Հայաստանի ռազմա-քաղաքական անվտանգային խնդիրների և օրակարգերի տեսանկյունից, հաշվի առնելով և այն, որ Հայաստանն ինքը օբյեկտիվ ու սուբյեկտիվ մի շարք գործոնների բերումով էապես սահմանափակված է իր գործողությունների միջոցով դիվերսիֆիկացիա ապահովելուն, առնվազն՝ արագ դիվերսիֆիկացիա ապահովելու հարցում: Ահա այդ համատեքստում է, որ Հայաստանի համար էլ կարևոր է դառնում Վրաստանի ու ԱՄՆ պաշտպանական գործակցության խորացումը, Վրաստանի անվտանգային շրջանակում ԱՄՆ դերի բարձրացումը»: