Ուրբաթ, 29 մարտի, 2024 թ.
|
Ստեփանակերտում`   +16 °C

«ՆԱՏՕ-ում Ուկրաինային ընդունելը կնշանակի, որ դաշինքը պատրաստ է պատերազմ սկսել Ռուսաստանի հետ». Ալեքսեյ Պուշկով

«ՆԱՏՕ-ում Ուկրաինային ընդունելը կնշանակի, որ դաշինքը պատրաստ է պատերազմ սկսել Ռուսաստանի հետ». Ալեքսեյ Պուշկով
640
Ուրբաթ, 22 հոկտեմբերի, 2021 թ., 10:48

ԱՄՆ պաշտպանության նախարար Լոյդ Օսթինը, օրեր առաջ խոսելով ՆԱՏՕ-ին Ուկրաինայի անդամակցության հեռանկարի մասին, ասել էր, որ որևէ երրորդ երկիր չի կարող վետո դնել ՆԱՏՕ-ի անդամակցության որոշումներին. «Ուկրաինան իրավունք ունի որոշելու իր սեփական արտաքին քաղաքականության ապագան, և մենք ակնկալում ենք, որ նրանք դա կարող են անել առանց կողմնակի միջամտության»:

ՌԴ ԱԳ փոխնախարար Անդրեյ Ռուդենկոն երեկ հայտարարել էր, որ Ուկրաինայի անդամակցությունը ՆԱՏՕ-ին «ծայրահեղ վտանգավոր քայլ կլինի և կունենա հետևանքներ»: «ՆԱՏՕ-ն գիտի Ուկրաինայի վերաբերյալ մեր դիրքորոշումը»,- ասել էր պաշտոնյան:

Թեման այսօր շարունակել է Ռուսաստանի Դաշնային խորհրդի՝ տեղեկատվական քաղաքականության հարցերով հանձնաժողովի նախագահ Ալեքսեյ Պուշկովը: «ՆԱՏՕ-ի գլխավոր քարտուղար Սթոլթենբերգը կրկին հայտարարել է, որ դաշինքը ձգտում է ՌԴ-ի հետ հարաբերությունների բարելավման. դժվար է հավատալ. չափից շատ են եղել նման հայտարարությունները և չափից շատ գործողություններ են կատարվել հարաբերությունները ոչնչացնելու համար: Բայց դրանք կարող են ավելի վատթարանալ և նույնիսկ աղետալի դառնալ, եթե դաշինքը գնա Ուկրաինայի՝ ՆԱՏՕ-ին անդամակցության նախապատրաստման ուղով: Դաշինքում պետք է հասկանան՝ Ուկրաինային ՆԱՏՕ-ում ընդունելը կնշանակի, որ դաշինքը պատրաստ է պատերազմ սկսել Ռուսաստանի հետ», փոխանցում է Взгляд-ը: