«Ստվերային ու ակնհայտ երևույթներ են տեղի ունենում». Սեյրան Օհանյան

«Մեկ տարի է անցել պատերազմից, բայց մինչ օրս լիարժեք գնահատական չի տրվել իրավիճակին, ու այդ ոչ ճիշտ դիագնոզն է, որ անորոշություն է բերում ՀՀ-ի ու Արցախի հեռանկարի համար»,- հայտարարեց ՀՀ պաշտպանության նախկին նախարար, ԱԺ «Հայաստան» խմբակցության ղեկավար Սեյրան Օհանյանը՝ «Հայաստանին և Արցախին սպառնացող վտանգներն ու դրանց հաղթահարման ուղիները» թեմայով քննարկման ժամանակ:

«Մեզ համար ակնհայտ են պատերազմի պատճառներն ու հետևանքները, բայց ցավալի է այն երևույթը, որ պարտությունների ու անհաջողությունների շարանը շարունակական է դարձել»,- հավելեց նա: Օհանյանի խոսքով՝ և՛ ակնհայտ, և՛ ստվերային երևույթներ են տեղի ունենում, որոնց կանխարգելմանը պետք է ուղղված լինի այսօրվա քննարկումը: