Ալեք Բոլդուինի առաջին մեկնաբանությունը՝ նկարահանման հրապարակում տեղի ունեցած ողբերգությունից հետո

Հոլիվուդյան դերասան Ալեք Բոլդուինը ինտագրամյան իր էջում անդրադարձել է նկարահանման հրապարակում տեղի ունեցած ողբերգությանը, երբ նա կրակել էր ուկրաինացի օպերատոր Գալինա Հաթչինսի ուղղությամբ և սպանել նրան: Դերասանը նշել է, որ չի հասկանում՝ ինչպես է ատրճանակը եղել լիցքավորված: Հայտարարել է, որ համագործակցում է ոստիկանության հետ՝ պարզելու դեպքի հանգամանքները:

«Խոսքեր չեմ գտնում նկարագրելու շոկն ու տխրությունը՝ Գալինա Հաթչինսի՝ կնոջ, մոր և մեր գործընկերոջ կյանքը խլած ողբերգական դեպքի վերաբերյալ: Համագործակցում եմ ոստիկանության հետ, կապ եմ պահպանում Գալինայի ամուսնու հետ՝ ընտանիքին օգնություն ցուցաբերելու համար: Իմ սիրտը կոտրված է»,- գրել է նա: