TikTok-ն առաջիններից մեկն է դարձել, որ կրճատել է աշխատաժամանակը

1055

Երկուշաբթի, 01 նոյեմբերի, 2021 թ., 22:42

Հայտնի TikTok հարթակի սեփականատեր ByteDance-ը կրճատում է աշխատակիցների ժամերը։ Նրանք այժմ բաց կլինեն երկուշաբթիից ուրբաթ՝ առավոտյան ժամը 10:00-ից մինչև երեկոյան 19:00-ը, հաղորդում է Bloomberg-ը։

Աշխատակիցները պետք է ստանան արտաժամյա աշխատանքի թույլտվություն: Նոր քաղաքականության համաձայն, աշխատողը կարող է աշխատանքային օրերին ստանալ ոչ ավելի, քան 3 ժամ հավելյալ աշխատանք կամ 8 ժամ՝ հանգստյան օրերին: Միաժամանակ նա կստանա լրացուցիչ փոխհատուցում՝ իր աշխատավարձի եռապատիկից ավելի։

Նախկինում Չինաստանն ուներ վեցօրյա աշխատանքային շաբաթ՝ 12-ժամյա գրաֆիկով, որը հայտնի էր որպես «996»: Այս տարի նախագահ Սի Ցզինպինը հորդորել էր ընկերություններին հրաժարվել նման ժամանակացույցից՝ գերծանրաբեռնվածության հետ կապված մահացությունների աճի պատճառով: