Փլուզվել է երկնաքեր, որի ամենաէժան բնակարանը 1,2 միլիոն դոլար էր. կան տասնյակ զոհեր

Նիգերիայի ամենամեծ քաղաքում՝ Լագոսում, երկուշաբթի կեսօրին փլուզվել է էլիտար Իկոյի շրջանում կառուցվող շքեղ բազմաբնակարան շենքը։ 22-հարկանի երկնաքերի շինարարությունը դեռևս ընթացքի մեջ է եղել, նախատեսվում էր այն բնակեցնել հաջորդ տարի։ Նախնական տվյալներով՝ զոհվել է առնվազն 16 մարդ, տասնյակ մարդիկ համարվում են անհետ կորած, փրկարարները շարունակում են ողջ մնացածների որոնումները։
Թեև Լագոսում հորդառատ անձրևը շարունակվել է ողջ գիշեր, սակայն փրկարարներն ու տեղի բնակիչները ողջ գիշեր աշխատել են լապտերների լույսի ներքո: Հաջողվել է փրկել 9 մարդու. փլուզումից գրեթե մեկ օր անց էլ փլատակների տակից դեռ ձայներ են լսվում:
Հայտնի չէ, թե ստույգ քանի մարդ է աշխատել շինհրապարակում, սակայն, ըստ ականատեսների, փլուզման պահին այնտեղ կարող էր լինել մինչև 40 մարդ։
Երկնաքերում ամենաէժան բնակարանն արժեցել է 1,2 մլն դոլար։ Անշարժ գույքը գովազդվել է կառուցապատողի՝ 360 Degrees Towers-ի կայքում, որը շինարարական ծրագրեր է իրականացնում ամբողջ աշխարհում՝ Մեծ Բրիտանիայից և ԱՄՆ-ից մինչև Հարավային Աֆրիկա և Նիգերիա: Կայքը ներկայում անհասանելի է:
Ինչպես Associated Press-ին պատմել է շինարար Էրիկ Թեթեխը, նրա բրիգադը պարզապես սպասելիս է եղել, որ էքսկավատորը հասնի շինհրապարակ, երբ շենքը փլուզվել է: «Ես ու եղբայրս փախել ենք, բայց այնտեղ դեռ շատ մարդիկ են մնացել՝ հարյուրից ավելի»,- ասել է նա։
Ըստ որոշ տեղեկությունների, փլուզված շենքը նախատեսված բարձրությունից մի քանի հարկով բարձր է եղել։
Վերջին տարիներին Լագոսում փլուզման մի քանի նմանատիպ դեպքեր է գրանցվել: 2019 թվականին դպրոցի փլուզման հետևանքով զոհվել է 10 մարդ. 2014 թվականին հայտնի ավետարանչի կողմից մատուցված պատարագի ժամանակ փլուզվել է վեցհարկանի շենքը, որի հետևանքով զոհվել է 116 մարդ։
Նիգերիայում շինարարության որակը շատ ցածր է, ինչի պատճառով Լագոսի իշխանությունները վերջերս գործարկել են շինարարական աշխատանքների համար հավաստագրման նոր, առավել կոշտ համակարգ:
Momento en el que se derrumbó un edificio de 21 pisos en Ikoyi, Lagos. pic.twitter.com/632wXx0ot6
— TELEFONO ROJO (@TfnoRojo) November 1, 2021

Ուկրաինայի զինված ուժերը կրկին հարվածել են Ղրիմի կամրջին (տեսանյութ)
12309:06
Խոշոր վթար Լոռիում. մեքենան մասամբ հայտնվել է գետի ափին
165Երեկ, 20:06
Ռուսաստանը հարվածել է Ուկրաինայի երեք խոշոր քաղաքների քաղաքացիական ենթակառուցվածքներին
280Երեկ, 20:00
Ավստրալիայում այցելուներին մոռացել են դիտանիվի խցիկում՝ 36 մետր բարձրության վրա (տեսանյութ)
386Երեկ, 18:24
Ուկրաինայի զինված ուժերը հարձակվել են Ղրիմի կամրջի վրա (լուսանկար)
281Երեկ, 17:42
Մոսկվայում աղջիկն ընկել է բարձրահարկ շենքի պատուհանից (տեսանյութ)
253Երեկ, 15:13
Ուկրաինայի զինված ուժերը հարվածել են Ղրիմի կամրջին
263Երեկ, 11:19
Սևանի տներից մեկում հայտնաբերվել է ծխահարված տղամարդու մարմին
150Երեկ, 10:54