«Այս շենքում է 20-րդ դարասկզբին գործել Պետրոս Էսապյանի մրգային պահածոների մեխանիկական գործարանը». Ռուբեն Շուխյան

336

Հինգշաբթի, 04 նոյեմբերի, 2021 թ., 02:12

Պատմաբան Ռուբեն Շուխյանը սոցկայքի իր էջում գրել է. «Հին Երևան. Պետրոս Էսապյանի պահածոների գործարանի շենքը Հանրապետության փողոցում:
Հենց այս շենքում և նրա հարակից տարածքում է 20-րդ դարասկզբին գործել Պետրոս Էսապյանի մրգային պահածոների մեխանիկական գործարանը, որն առաջինն էր ոչ միայն Երևանում, այլ նաև ողջ Անդրկովկասում։
Երևանի պատմության թանգարանում ներկայացված են Էսապյանի գործարանի պարգևները. առաջին պարգևը 1905-ին էր՝ Բելգիայում կայացած գյուղատնտեսական ցուցահանդեսում գործարանի արտադրած մրգային պահածոները ստանում են ոսկե մեդալ և պատվոգիր: 1907-ին արժանանում են արդեն միանգամից երկու պարգևի՝ գրան-պրի Լոնդոնի և ոսկե մեդալ Վիեննայի միջազգային ցուցահանդեսներում, իսկ 1908-ին՝ առաջին մրցանակ և դիպլոմ Հռոմի ցուցահանդեսում»: