Վիվա-ՄՏՍ-ի կասկածելի գործարքները հետաքննում է ԱՄՆ Արդարադատության նախարարությունը

Վերջին օրերին տեղեկություններ են շրջանառվում այն մասին, որ Վիվա-ՄՏՍ ընկերությունը ֆինանսական կասկածելի գործարքներ է կատարել, որը գրավել է ԱՄՆ Արդարադատության նախարարության ուշադրությունը և սկսվել են հետաքննման գործողություններ։ Այսօր, Կառավարության նիստից հետո, լրագրողները Էկոնոմիկայի նախարար Վահան Քերոբյանից հետաքրքրվեցին, թե ի՞նչ գործարքի մասին է խոսքը։ «Տեղեկություններ կան մամուլում, որ Հայաստանի Վիվա-ՄՏՍ-ի մասնաճյուղի գործունեության որոշ դրվագներ հետաքրքրել են ԱՄՆ Արդարադատության նախարարությանը՝ ինչ-որ կասկածելի փոխանցումներ, և այլն, տեղյա՞կ եք»: Նախարարը ո՛չ հերքեց, ո՛չ հաստատեց տեղեկությունները։
Նշենք, որ, տեղեկությունների հաստատման դեպքում, Վիվա-ՄՏՍ ընկերությանը սպառնում են խոշոր տուգանքներ կամ պատժամիջոցներ։