Սաակաշվիլիի մոտ բռնության հետևանքով հետտրավմատիկ սթրեսային խանգարում է ախտորոշվել

1210

Երկուշաբթի, 29 նոյեմբերի, 2021 թ., 12:12

Վրաստանի նախկին նախագահ Միխայիլ Սահակաշվիլիի մոտ բժիշկների խորհուրդը հետտրավմատիկ սթրեսային խանգարում է ախտորոշել։ Այս մասին Vesti.ru-ի փոխանցմամբ, հայտնել է «Էմպաթիա» կազմակերպության ղեկավար Մարիամ Ջիշկարիանին։

Փորձագետները եկել են այն եզրակացության, որ Սահակաշվիլիի մոտ հետտրավմատիկ սթրեսային խանգարումն առաջացել է բանտում գտնվելու, ինչպես նաև բռնության փաստերի պատճառով։ Բացի այդ, նա ունի նյարդաբանական ախտանիշներ, կա նաև Վերնիկեի էնցեֆալոպաթիա, ինչը նախկին նախագահի հացադուլի հետևանքն է։
Մարիամ Ջիշկարիանիի խոսքով՝ Միխայիլ Սահակաշվիլին ստացիոնար բազմամասնագիտական վերականգնողական բուժման կարիք ունի։