Հինգշաբթի, 28 մարտի, 2024 թ.
|
Ստեփանակերտում`   +6 °C

Հայաստանի, Հունաստանի և Կիպրոսի ԶՈւ հատուկ ջոկատայինները զորավարժություն են անցկացրել

Հայաստանի, Հունաստանի և Կիպրոսի ԶՈւ հատուկ ջոկատայինները զորավարժություն են անցկացրել
2959
Չորեքշաբթի, 01 դեկտեմբերի, 2021 թ., 00:42

Հայաստանի, Հունաստանի և Կիպրոսի զինված ուժերի հատուկ նշանակության ստորաբաժանումները անց են կացրել «Close Quarter Battle–2021» զորավարժությունը:
Greek City Times պարբերականը հաղորդում է, որ զորավարժություններն անցկացվել են նոյեմբերի 22-26-ը ՝ համագործակցության եռակողմ ծրագրի շրջանակներում: Համատեղ զորավարժությունների նպատակն էր բարձրացնել մարտական պայմաններում Միացյալ հատուկ նշանակության ուժերի մարտունակության մակարդակը և փոխգործակցությունը:
Զորավարժությունը ներառել է արագ արձագանքման մարտական հրաձգություն, շարժվող թիրախների ոչնչացում, գիշերային ու քաղաքային մարտեր, բնակելի թաղամասերում մահացածների և վիրավորների հետ տարվող աշխատանքներ: Կիպրոսի պաշտպանության նախարարությունը հայտարարել է, որ համագործակցության եռակողմ ծրագրի շրջանակներում անցկացվող զորավարժություններն արտացոլում են երեք երկրների զինված ուժերի փոխգործակցության բարձր մակարդակը: