Ուրբաթ, 29 մարտի, 2024 թ.
|
Ստեփանակերտում`   +15 °C

«Նման իրավիճակի պահպանումը 10-15 տարի հետո ավելի անորակ է դարձնելու հասարակական միջավայրը». Արթուր Սաքունց

«Նման իրավիճակի պահպանումը 10-15 տարի հետո ավելի անորակ է դարձնելու հասարակական միջավայրը». Արթուր Սաքունց
640
Կիրակի, 05 դեկտեմբերի, 2021 թ., 20:36

Իրավապաշտպան Արթուր Սաքունցը ֆեյսբուքյան իր էջում գրել է. «Ներկայիս քաղաքական, տնտեսական, անվտանգային, պաշտպանական համակարգերի, դրանց ներկայացուցիչների, ի վերջո հասարակական կյանքի, մտքի այսքան ցածր, մտահոգիչ վիճակը, անորակությունը հետևանք է կրթական համակարգի անմխիթար վիճակի, որը տարիներ շարունակ չդարձավ ազատ մտքի, ազատ ոգու, քաղաքացիական պատասխանատվություն վերցնելու, կյանքում որակյալ իրացվելու հնարավորությունների ձևավորման օջախ։
Ու դեռևս չի հասկացվում կրթության որակի նշանակությունը մեր պետության, մեր հասարակության հետագա զարգացման, իրավիճակի վրա ունեցած ազդեցությամբ։ Ավելին, նման իրավիճակի պահպանումը, ասենք 10-15 տարի հետո ավելի անորակ է դարձնելու հասարակական միջավայրը։
Խոսքն ամենևին առանձին անհատների տարբեր պետություններում կրթություն ստանալու մասին չէ, այլ հենց պետական կրթական համակարգի՝ դպրոցների, մանկապարտեզների, բուհերի մասին է խոսքը։
Չկա հայեցակարգ կրթական համակարգը արտակարգ դրության վիճակից (Լևոն Բարսեղյանի բնորոշումն է) դուրս բերելու համար»:

Աղբյուրը`   Արթուր Սաքունց