Արծվիկ Մինասյանը՝ Ալեն Սիմոնյանի հրաժարականի պահանջի մասին

Օրեր առաջ Ալեն Սիմոնյանը ֆեյսբուքյան իր էջում գրառում էր կատարել՝ հայտնելով, որ ԱԺ ներքին փաստաթղթաշրջանառության համակարգի միջոցով իրեն է ուղարկվել ընդդիմության կողմից շրջանառության մեջ դրված նախագիծ, որով պահանջում են ԱԺ նախագահի հրաժարականը: Այսօրվա ճեպազրույցների ժամին «Հայաստան» խմբակցության պատգամավոր Արծվիկ Մինասյանը պարզաբանեց. «Օգոստոսի 2-ին, երբ ԱԺ նախագահի ընտրություն էր, առաջադրել էինք Մխիթար Զաքարյանի ու Արթուր Սարգսյանի թեկնածությունը և դեռ այն ժամանակ ասացինք, որ այն, ինչ ԱԺ-ում կատարվում է առանց մեր երկու ընկերների մասնակցության, ապօրինի է: Հետո դիմում ներկայացրինք ՍԴ: Դեկտեմբերի 7-ին ստացանք ՍԴ որոշումը, որով արձանագրվեց, որ մեր երեք ընկերները օգոստոսի 2-ից ապօրինաբար են հայտնվել կալանավայրում ու չէին կարող զրկված լինել պատգամավորի իրենց գործառույթների հնարավորությունց: Էս ընթացքը ցույց տվեց, որ գործ ունենք ԱԺ նախագահի պաշտոնը զբաղեցնող անձի հետ, որը կատարում է հայտարարութուններ, որոնք ռիսկեր են պարունակում ՀՀ արտաքին քաղաքականության համար, հայտարարություններ՝ գերիների վերաբերյալ, մինչդեռ պետության պարտականությունն է հայրենիք վերադարձնել նրանց: Երկրի երկրորդ դեմքը հանդիսացող անձի հայտարարությունը՝ առնվազն մեր երկիրը թուլացնելուն ուղղված գործողություն է»: